اذا انفصلت اسلاك الذكاء....

موضوع: اذا انفصلت اسلاك الذكاء.... 4/1/2008, 6:51 pm

سلامين وحتة .......يا بنات الحتة ....

لاحظت كل مواضيع المنتدى جدية ....ولابد من العودة للعفوية .....

انا ...والعياذ بالله من كلمة انا ......اكتشفت شي غريب ....يسير لكثير مننا بس يمكن

ما نفكر فية كثير .....يمكن تكون هدي الحالة تصيب (الأذكياء فقط ....احم احم ....)...

يعني يمكن لازاد الذكاء عن حجم الدمجة يبدا يتكبب من كل مكان ...لحد مايرجع

العداد للزيرو .....ثم يبدأ يعبي من جديد .....وهكذا ..

والقصة ياحلوين ....انه اصبحت تعتريني ,,,حالة من التتنيح في بعض اللحظات

(بس الحمد لله أنها ماتطول ...)ولا كان اخبار ....العيلة تروح وطي ..

يعني بعض الاحيان ...وبدون مقدمات ...تنفصل بعض الاسلاك من راسي

او انه يصيبها إلتماس ...وينقلب الذكاء لغباء مؤقت ....

طبعا يصاحب الموضوع بعض التصرفات الغريبة اللي مالها تفسير ...

مثلا ...مرة من المرارير ..... كنت ابغا اقعد على الاب توب حقي وانا لمن اقعد على الاب توبي لااااااازم البس نظارة

المهم

ويوميها قلبت البيت على النظارة والتهمت اخواني واقولهم انتو اللي اخدتوها

وهما يطالعو فيا واضحكو

تعرفو فين بعدين القيت النظارة

في عيوني لابستها ومني حاسة فيها عشان ليا فترة طويلة وانا لبستها هاهااااااااااااي

___________________

ولا وحدة مرة من المرارير ماما قالتلي جيبيلي موية

قمت رحت للمطبخ على طول لا شعوريا ما كنت يعني حاسة بنفس كانت حركة لا اراديا

وفتحت الدولاب وجبتلها كاسة فاضيا
وماما ما كانت منتبه انو الكاسة فاضيا

قامت سارت تحاول تشرب تبغا الموية تنزلها

وهيا الكاسة اصلا فاضيا

وهكذا ......(لاتضحكو يبلاكم ربي .....) تتواصل الحياة ...وتسير القافلة ...

وسلمولي على الأسلاك .....ورءصني ياقدع .......

يلا جاء دوركم كل أحد يقول لنا خشته إذا انفصلت أسلاكه

ههههههههههههههههههههههههه

كل واحد يقول لنا موقف من المواقف الذكيه اللي تصير له هع هع

ابغا تفاااااااااااااااااااااااااااعل

مع حبي

بحر المشاعر